Ég vil byrja á því að
ÓSKA YKKUR ÖLLUM GLEÐILEGRA JÓLA OG VONANDI HAFIÐ ÞIÐ HAFT ÞAÐ GOTT UM HÁTÍÐIRNAR.

Ég og mín fjölskylda höfum allavega haft það mjög gott. Ekkert stress og engin læti...nema þá helst í dóttur minni þeirri eldri en ef hún væri bílvél væri hún löngu úrbrædd !!! En hún var á 8000 snúningum þorláksmessuna seinni partinn og svo ekki sé talað um aðfangadag. Við leyfðum þeim eldri bara að vesenast á þorláksmessu því ég vissi að það þýddi ekkert að setja þau upp í rúm fyrr en þau yrðu þreytt. Fóru þau í jólasturtuna og horfðu á sjónvarpið og fleira og fóru þau ekki að sofa fyrr en um miðnætti...og var litla "dýrið" samt vaknað um kl 8 til að horfa á skrípó !!! En hún náði nú aðeins að hvíla sig í bílnum hjá pabba sínum því þau skruppu í Sandgerði á aðfangadag með pakka og bónuðu bílinn. Ekki minkaði svo spenningurinn þegar líða tók á daginn. Og borðaði hún slatta af súpu en svo var henni svo illt í maganum að hún borðaði ekki mikið kjöt. En svo lagaðist magaverkurinn eftir að pakkarnir voru búnir að líta dagsins ljós !!! En þá kom spennustig númer 2. Þá var það spenningurinn að föndra úr föndurkassanum, prófa litakassann, mála brats myndirnar og fleira. Og lét hún keppnina sem vind um eyru þjóta sem við settum upp en hún var svohljóðandi: KEPPNI UM HVER SEFUR LENGST !!!! Og auðvitað var mín Una Rós vöknuð um kl 9 því hana hlakkaði svo til að fara að sauma ...hehehe. Bara fyndin.
En við höfum haft það mjög gott. Tengdó voru hjá okkur á aðfangadag (eins og þau hafa gert síðustu 7 ár en við vorum að reyna að telja þetta í gærkvöldi) Svo komu mamma og pabbi í heimsókn um kvöldið. Svo í morgunvorum við uppi í rúmi til kl að ganga 4 en þá drössluðumst við fram úr og kíktum á systur mína og fjölskyldu. Þar var kökusneiðum rennt niður og þaðan beint haldið í jólaboð hjá ömmu í blokkinni. Þar sátum við að spjalla fram á kvöld. Voðalega gaman að hittast svona fjölskyldan. 
Ég fékk voðalega fína gönguskó frá manninum mínum í jólagjöf svo ég ætti að geta farið að arka um bæinn. Svo ætlum við núna fljótlega að fara og kaupa okkur góða svona útivistargalla. Svona öndunardót. Ætlum að fara að vera duglegri að ganga eins og t.d. í ferðalögunum. Einnig erum við búin að panta sérsaumað fortjald á fellihýsið en það munar um það þegar maður þarf að ferðast með vagn næsta sumar. Og ætla þeir hjá Tjaldborg að sauma flott fortjald fyrir okkur alveg eftir okkar höfði  Við hlægjum sko bara framan í kreppuna hahahaha.

En við þökkum öllum þeim sem gáfu okkur og börnunum jólapakka. 

Jæja ætla ekki að hafa þetta lengra í þetta sinnið
Gangið hægt um gleðinnar dyr !!
PET  

Þá eru að koma jól. Svo jólalegt úti en það kyngdi niður "ekta" jólasnjó í gær eða sko hann flaug hægt og rólega til jarðar. Logn og gott veður. En deginum í gær eyddi ég í bakstur. Voru bakaðar ilmandi súkkulaðibitakökur, marengstoppar og spesíur. En kókoskökurnar verða að bíða betri tíma þar sem maður þarf nokkur "leikhlé" með barn á brjósti. En fleira gerðist í gær.....dóttir mín ákvað að taka nýju snuddunni sem ég fór og keypti í apótekinu  Er samt svolítill klaufi ennþá að halda henni lengi uppi í sér. En þetta kemur allt og því er hún núna í æfingabúðum !!!

Er ég núna búin að pakka in öllum gjöfunum en 2 eiga eftir að klárast alveg og því verður þeim pakkað síðar. Ég ætlaði að föndra jólakortin í ár en svo keypti ég af krabbameinssjúkum börnum kort og einnig pantaði ég að utan nokkur kort til að prófa og koma þau mjög vel út. En hin sem ég ætlaði að föndra efast ég um að fari þannig út  en ég er svo hugmyndasnauð varðandi kortin í ár a ég held að þessi "brjóstaþoka" sem sumir tala um sé yfir mér núna !!! Þannig að ég set þau markmið að á næstu jólum verði kortin bara ennþá flottari !!! 

En ég var að skrifa inn færslu á barnaland og einnig að setja inn myndir. Svo check it out ;)

Petra Rós sem er í jólaskapi.  

Haldið þið að við rósirnar höfum ekki komist út að labba með vagninn í gær og var það okkur til mikillar gleði þótt úti væri grenjandi rigning. En það var 7 stiga hiti og logn þegar við lögðum af stað en var farið að hvessa þegar við löbbuðum heim á leið. Sóttum við Unu Rós í skólann og kíktum m.a. í vinnuna til mömmu og Unnars á gönguleiðinni. Mikið var nú gott að komast aðeins út og ég tala nú ekki um í smá hreyfingu. Maður er algjör sulta eftir alla þessa inniveru og í þokkabót líkaminn ekki alveg búinn að ná sér eftir fæðinguna þegar maður hreyfir sig lítið í frostinu. En eins og áður sagði erum við mjög þaklátar því að hafa komist út. Daman svaf allan tímann og hafði það bara gott í Silver Crossinum í rigninguni. En spurning hvort þetta virki að hugsa svona eins og pollýanna. Ég sagði nefnilega við mömmu í fyrradag að ég væri farin að hugsa þannig að ég kæmist bara út að labba í maí en allt fyrr en það væri bara bónus !!! og vollah .... daginn eftir kom ákjósanlegt veður til að fara út í göngu.

Hlakka svo til laugardagsins en þá er jólasaumaklúbburinn hjá okkur og er búið að boða okkur í 3ja rétta máltíð og flottheit....***slef*** Og í hádegismat á laugardaginn þá förum við í afmælis/jólaboð í Sandgerði til tengdó en þau eru farin að leigja sal og halda þar fjölskyldudag í kringum 10. desember þar sem tengdapabbi á afmæli þá og varð hann í gær 75 ára kallinn. Svo þetta verður fyrsta langferðin hjá Rakel Rós frá fæðingu....alla leið í Sandgerði.

Verkefni þessara daga núna hjá mér er að föndra jólakortin, skrifa í þau og klára jólagjafirnar. Núna notar maður bara tæknina við síðustu jólagjafirnar. Verslar gjafirna rá netinu og sækir bara á pósthúsið Mjög svo hentugt og ekkert vesen. Á meðan sefur svo bara daman í vöggunni og ekkert stress. Um að gera að nýta sér tæknina.

Við fórum líka í vigtun í gærmorgun og er daman að dafna alveg eins og hún á að gera. Enda vissi ég það svo sem...enda flottasta stúlkan í bænum ( og auðvitað líka Una Rós !!)

Jæja ætla að skríða aftur upp í rúm fyrst ég er búin að koma börnunum í skólann. Ennþá nótt hjá okkur til svona rúmlega 10 :D

PET